بلَش المشروع وأنا بالمدرسة، جمعت أول 130 دينار واشتريت خلية نحل. كنت انقرص كثير من النحل، بس كنت مبسوط من الموسمين اللي طلع فيهم النحل عسل. بعدها، راحت النحلات. بـ2024، بعد ما خلصت صيدلة، ولأني بحب المنتجات الطبيعية كعلاج، قررت أرجع أشتغل بالفكرة بشكل جديد. هالمرة، قررت أبدأ بشكل رسمي، بمناحل كاملة موجودة على جبال السلط، وسجلت المشروع رسمي باسم "مؤسسة رحيق الجبل للعسل والمنتجات الغذائية". بموسم 2025، بنقدم الهوية التجارية الجديدة كلياً، Beedouin. الاسم بجمع بين كلمة "Bee" للنحل و"Bedouin" اللي بترمز لجزء من مكونات الأردن العريقة، والروح البدوية. قيَم Beedouin بتمثل أصالة الأردن: من طبيعتنا، ربيعنا، وبيئتنا. بتعكس البساطة الراقية، والصدق والثقة، واستدامة الطبيعة، وفلسفة البداوة. كمان بنركز على الاستمرارية والتعلّم، والابتكار. وبنؤمن بدعم المجتمعات المحلية من خلال توفير منتجات طبيعية بتحمل قيمة حقيقية.